iPhone 5C 曝光？林志穎又搶先騷實物

林志穎（小志）蘋果產品向來情有獨鍾，仲經常喺網上搶先披露新機種，好似之前 iPad mini 及 iPhone 5 等，小志都快人一步喺微博貼實照圖，令人嘖嘖稱奇，網民都議論紛紛問佢有乜嘢渠道，可以搶先發佈？

噚晚小志又喺微博貼新款手機相，話說外傳9月先對外曝光嘅廉價版 iPhone 5C，小志又係捷足先登，佢拎住疑似 iPhone 5C 手機照片，大小同 iPhone 5 相若，小志就留言話：「難道這是傳說中的 iPhone 5c？」唔少蘋果迷火速轉貼，又認為呢部確係最新手機實照。